Esta semana toca novo reto: 🍴🍳COCIÑA EN FAMILIA!👪
Sabemos que durante o confinamento, do que pouco a pouco imos saíndo, os produtos estrela na lista da compra estiveron a ser a fariña e a levadura; e estamos seguras de que con tanto tempo na casiña estades sacando a vosa mellor versión como cociñeiros e reposteiros! Así que animádevos a participar neste novo reto e xuntos crearemos o noso 📖libriño de receitas na corentena!🍴
Para facelo, só tedes que seguir estes pasos, coa axuda dun adulto e doutros membros da familia:
1. 📝🛒Escribir a receita: listaxe de ingredientes e descrición da elaboración (non esquezades apuntar todos os detalles necesarios, así os compis e profes poderemos intentar copiarvos a receita!).
2. 🍫🍯Preparar os ingredientes: escoller os utensilios, pesar, medir cantidades... (non esquezades facelo con rigor, a cociña é pura ciencia, aproveitade o que estades aprendendo en mates sobre medidas!).
3. 🍴🍵Elaborar a receita e degustala!!
Recordade sacar algunha foto📸durante o proceso e do resultado final da vosa receita, ou ben, gravádeo en vídeo🎥 . Enviádenos por correo electrónico📧 a receita escrita e as vosas fotos/vídeos. Estamos desexando velas! Animádevos a participar!!
Bicos a moreas!🌈
Ningún comentario:
Publicar un comentario